Холивудскиот актер и ѕвезда на многу акциски филмови од 80-тите години Долф Лундгрен (62) се сврши со 38 години помладата Ема Крокдал (24).
Тој ги сподели среќните вести на Инстаграм, каде што објави заедничка фотографија во која таа ја покажува раката со прстен.
„Нешто многу посебно се случи тука во Шведска“, напиша тој веднаш до фотографијата.
Меѓу првите му честиташе актерот Силвестер Сталоне.
„Честитки, мој добар пријателе. Ти си најдобар“, напиша Сталоне.
Сепак, имаше многу различни коментари. Некои следбеници го задеваа Лундгрен дека неговата ќерка е на сликата, а некои го задеваа дека купил млада фитнес-инструкторка.
Ова ќе биде трет брак на Долф, а со дизајнерката на накит Анет Квиберг има две ќерки, Ида и Грета.
Некои сметаат дека постарата ќерка на Долф, Ида, многу личи на неговата свршеница. Патем, двете имаат 24 години.
