Палестинската управа (ПА) денеска соопшти дека ќе ги намали платите на десетици илјади нејзини вработени, откако протестната акција против плановите на Израел за анексија на окупираниот Западен Брег ја продлабочи финансиската криза.
Нејзината економија веќе е загрозена од пандемијата на коронавирус, а ПА, која има ограничена самоуправа на Западниот Брег под привремен мировен договор, минатиот месец одби да ги предаде даноците што ги собира Израел во нејзино име.
Трансферите, околу 190 милиони долари месечно, учествуваат со повеќе од половина од буџетот на ПА и произлегуваат од царински давачки за увоз што доаѓа преку израелските пристаништа кон Западниот Брег и Газа.
ПА се повлече од данокот откако во мај ги прогласи билатералните договори со Израел за неважечки.
– Поради даночните олеснувања и генералниот пад на средствата … државните приходи се намалени за 80 отсто, рече палестинскиот министер за финансии Шукри Бишар, осврнувајќи се на загубените средства за време на пандемијата.
Тој најави дека на многумина од 132.000 вработени во ПА платата ќе се преполови, но нема да падне под минималната плата од 1.750 шекели (507 американски долари) месечно.
