Наместо зголемена претпазливост, Владата во изминатиот период континуирано испраќа пораки на опуштеност, во исто време кога се зголемуваат случаите на коронавирусот, потврдувајќи ги противречноста и неодговорност на кои се темелат нејзините одлуки, соопштуваат од грчката опозициска партија СИРИЗА, јави дописничката на МИА.
Коментирајќи ги последните владини одлуки, од СИРИЗА потенцираат дека Владата и Мицотакис мора да сфатат дека јавното здравје и туризмот, „не можат да бидат поле за експериментирање” и потребна е сериозност и доследност.
-Откако не се залагаше за тестови пред пристигнувањето на грчките аеродроми; откако не усвои унифицирани епидемиолошки критериуми за контрола на сите влезни точки во земјата; откако, вон секоја логика, ги дозволи панаѓурите, а вчера побрза да ги забрани; откако ја игнорираше препораката на експертската Комисија и ја укина задолжителната употреба на маска во трговските центри и моловите, без да се потруди да ги објасни причините, сега, брза да ги прибере последиците од нејзината непредвидлива тактика под опасноста од ново неконтролирано разгорување на пандемијата, соопштуваат од СИРИЗА.
