Министерот за здравство Венко Филипче на својот Фејсбук профил пишува дека досега се обезбедени 61 единица конвалесцентна плазма за третман на пациенти со коронавирус.
„Ајде да бидеме хумани и да им помогнеме на пациентите кои сѐ уште се борат со овој непредвидлив вирус. Да ја покажеме нашата грижа, да даруваме и да спасиме човечки живот. Апелирам на солидарност, затоа што нема ништо поважно од нашето здравје и здравјето на нашите најблиски!“, додава Филипче.
