Сите опции се од сега отворени, рече лидерот на СДСМ, Зоран Заев, во своето обраќање по завршувањето на Конститутивната седница на Собранието.
„Верувам дека ќе обезбедиме стабилно парламентарно мнозинство коешто ќе гарантира стабилна влада…Коалицијата предводена од СДСМ може да формира влада и со ДУИ и со Алијанса и Алтернатива. Зависи од отстранување на национализмите, зависи од цело поглавје на разработка за прочистување на правосудството, проверка на имотот, капиталот на секој политичар и функционер…, рече Заев
Во своето излагање Заев изрази очекување дека ќе биде составено ново парламентарно мнозинство и влада која што ќе истрае 4 години и којашто ќе почне поинтензивно да се залага за економските прашања.
Заев најави намалување на бројот на министерствата без ресор.
Во одговори на новинарски прашања, Заев рече дека процесот на преговори за составување на ново парламентарно мнозинство веќе може да почне и оти ќе ги слушнат понудите и ставовите на сите страни.
