Последната изјава на Даниел Кормиер како активен борец дојде по неговиот пораз од Стипе Миочиќ во главната борба на УФЦ 252, воедно нивната трета борба по ред. Миочиќ заслужено славеше со одлука на судиите по пет рунди, а Кормиер ја напушти арената со наведната глава.
-Погледнете ми го окото. Во остатокот на борбата не гледав со него, ниту сега не гледам ништо. Сè пред левото око ми е црно. Но, што е тука е, не е важно. Му реков на судијата што се случи, тој ми одговори дека е удар. Подоцна ми рече дека видел на снимката и дека сум во право. Не можев да го гледам со левото око, но тоа не е важно сега, се обиде Кормиер да не бара изговор во неговата повреда.
Тоа беше во пределот на окото кој Миочиќ со кроше го погоди на крајот на втората рунда, а веќе на почетокот на третата беше очигледно дека отокот почнува да се формира.
Сепак, после тоа Кормиер се сврте кон она што се случуваше во борбата и потврди дека смета дека Миочиќ овој пат дојде подготвен да понуди нешто што досега не го направил. Кормиер смета дека се работело за борбата во клинч и и го гледа ова како клучен фактор во борбата во која мораше да му подаде рака на шампионот и да му честита.
-Тој одработи добра работа. Успеа да го контролира клинчот и да ме држи до работ на кафезот поголемиот дел од времето и мислам дека тоа ги реши неизвесните рунди. Мислев дека добро ми оди, но потоа дојдоа тие клинч позиции. Одеше со двократен „андерхук“, а тоа е нешто што не го правеше во првите две борби. Успеав да се извлечам од тоа, откри Кормиер.
За потоа да биде прашан зошто не се бореше повеќе, откако во првата рунда успеа да дојде до едно соборување и рече дека најголемата причина за тоа е како одговорал Миочиќ.
-Планот беше да видам дали ќе имам шанса да работам на тој начин. Во првата рунда тој се прецени во еден момент и успеав да стигнам до нозете и до лесно рушење, но во остатокот од борбата тој не ми даде шанса повторно да го сторам тоа, рече Кормиер.
„Необично е и тоа е грдо чувство. Да се биде поразен во две големи борби, во трилогија. Многу е тажно да се биде во таа позиција, но ќе се справам со тоа како што сум се занимавал со слични работи во минатото. Не ме интересира да се борам за ништо друго освен за титулата, а борба за титулата не гелдам во мојата иднина, така што тоа е крај за мене. Имав долг пат и одлична кариера. Ова ми беше последната борба за титула во тешка категорија и тоа беше е голема борба, рече Кормиер.
Кормиер заминува во пензија како голем шампион во двете најтешки кариери на УФЦ и борец кој успеа да ја одбрани титулата и во двете категории.
