Интер ќе има многу тежок натпревар против Шахтјор (Доњецк), но „нероазурите” се целосно подготвени за претстојниот судир, изјави тренерот на тимот Антонио Конте.
Италијанците доцна вечерва ќе се сретнат со Шахтјор (Доњецк) во Дизелдорф во нивното прво меѓународно полуфинале од 2010 година.
– Го почитуваме Шахтјор затоа што во последните години тие беа многу стабилен клуб. Тие изгледаат како наш најтежок противник во Лигата на Европа оваа година. Ќе бидам среќен за Интер ако клубот го освои трофејот. Не размислувам за моите лични достигнувања затоа што сум ангажиран да ја работам својата работа. Ние сме добро подготвени за претстојниот судир и ќе биде многу тешко. И Шахтјор сепак се соочува со тежок противник. Ние сме мирни и подготвени, изјави Конте пред мечот.
