Товарен брод во сопственост на грчка бродска компанија, се запалил додека пловел во Арапското море од Обединетите Арапски Емирати кон Северна Африка, a во тек се напорите на спасувачки екипи од Индија за пожарот да се стави под контрола, објави грчката новинска агенција АНА-МПА.
Според истите информации, карго бродот „Фанеромени” што плови под грчко знаме е празен, односно без товар, има 18 членови на екипажот, од кои пет се Грци, а пожарот избувнал околу четири часот утрово.
