Актерот Роберт Патинсон e позитивен на КОВИД-19, поради што беше запрено снимањето на филмот „Бетмен“, во кој тој ја толкува главната улога, открива Vanity Fair. Да потсетиме, снимањето беше прекинато во април поради пандемијата од коронавирус, но продолжи откако го видовме првиот трејлер од филмот во режија на Мет Ривс.
Компанијата Ворнер Брос, која го произведува филмот, преку соопштение потврди дека снимањето е запрено затоа што еден член бил позитивен на коронавирус, но не напиша за кого станува збор.
Vanity Fair преку своите извори дознал дека станува збор за Патинсон, кој бил проследен со најмалку 14 дена изолација. Во филмот, младиот Бетмен се обидува да ги реши сериските убиства во Готам, а во филмот се појавуваат и Ридлерот (Пол Дано), Селина Кајл, пред да стане мачка (Зое Кравиц) и Освалд Коблпот, кој е наречен Пингвин (Колин Фарел) зад неговиот грб. Филмот треба да се појави во кината во текот на 2021 година.
