Претседателот на Црна Гора Ѓукановиќ ја бојкотираше конститутивната седина на Собранието

Претседателот на Црна Гора и лидер на ДПС која по 30 години ги загуби парламентарните избори во земјата, Мило Ѓукановиќ ја бојкотираше вчерашната конститутивна седница на новото Собрание.  Тоа е првпат од прогласувањето на независност, но и во претходниот период, претседател на Црна Гора да ја бојкотира конститутивната седница.

На вчерашната седница, лидерот на коалицијата „Мир е нашата нација“, Алекс Бечиќ е избран за претседател на Собранието, со што стана првиот опозициски функционер кој ја презема новата власт, откако трите коалиции „За иднината на Црна Гора“, „Мирот е наша нација“ и „Црно на бело“ добија поголема поддршка од граѓаните на парламентарните избори.

Од вкупно 71 пратеници, за Бечиќ гласаа 45 пратеници од трите коалиции, но и пратениците на Бошњачката партија и Ник Ѓелошај носителот на листата на албанската коалиција „Генци Ниманбегу“.

Верификацијата на 81 мандат на пратениците го одбележа отсуството на Ѓукановиќ, додека беа присутни народниот правобранител Синиша Бјековиќ, врховниот државен обвинител Ивица Станковиќ, како и претседателката на Врховниот суд Весна Меденица.