Министерот за надворешни работи на Република Турција, Мевлут Чавушоглу, реагираше на изјавата на Ненси Пелоси, претседателката на Претставничкиот дом на Конгресот на САД, во која таа изрази антитурски чувства, пренесува „Анадолија“.
„Загрижувачки за американската демократија е подемот на Ненси Пелоси, која со своето примарно незнаење се искачи до позицијата спикер на Претставничкиот дом на Конгресот на САД. Ќе научите да ја почитување волјата на турската нација“, напиша Чавушоглу на својот профил на Твитер.
Американскиот претседател Доналд Трамп на прес-конференција, на прашањето дали ќе се обврзе на мирен трансфер на власта, одговори:
„Ќе видиме што ќе се случи’, предизвикувајќи реакции кај многумина, меѓу кои и кај Пелоси.
Пелоси на оваа изјава, реагираше со зборовите:
„Знаеме Трамп на кого му се восхитува. На Путин, Ким Џонг-ун, на Ердоган. Меѓутоа, почитуван претседателе, морам да ве потсетам дека не се наоѓате во Северна Кореја, Русија, Турција или Саудиска Арабија. Се наоѓате во САД, каде што владее демократијата, па зошто за еден момент не се обидете да ја почитувате својата заклетва пред Уставот на САД“.
