Односите меѓу Минск и Москва и понатаму ќе се развиваат динамично, изјави денеска белорускиот претседател Александар Лукашенко.
– Цврсто верувам дека белоруско-руските односи ќе продолжат драматично да се развиваат. Тоа го сакаат нашите братски народи, истакна Лукашенко на пленарната седница на Седмиот Форум на руски и белоруски региони.
Според него, владите на двете земји успеале да најдат компромис околу прашањето за снабдување со нафта, изградба на белоруска нуклеарна електрана и условите за владино кредитирање.
– Меѓутоа многу проблеми допрва треба да се решат, изјави Лукашенко, додавајќи дека еден од нив е создавање еднакви услови за белоруските и руските економски субјекти.
