Подготвен сум да платам секаква политичка цена“, рекол претседателот на Србија, Александар Вучиќ, по повод извештајот на Европската комисија, истакнувајќи дека претседателските избори во Србија и градските избори во Белград за една и пол година „нема да исклучат предвремени парламентарните избори“.
Вучиќ изјави дека многу забелешки од извештајот на Европската комисија за напредокот на Србија може да се корегираат, дека има „точни работи“, но и „политички“.
-Онаму каде што нема лаги и измама е кога станува збор за бројки и факти. Вие не можете да измамите во економијата. Затоа извештајот за економијата е подобар“, рече Вучиќ на прес-конференција по посетата на изградбата на Клиничкиот центар во Белград.
Тој изјавил дека има точни обвинувања за владеењето на правото во Србија, на кои треба да се работи, но оцени дека „политичкиот“ приговор е тој да ја искористи позицијата претседател на Републиката на парламентарните избори на 21 јуни, на кои победи Српската напредна партија.
Тој изјави дека ќе бара одговорност за своите постапки пред граѓаните на редовните избори во 2022 година и дека, како што рече, не може да ги исклучи предвремените парламентарни избори.
Вучиќ додаде дека Србија ќе продолжи да се бори за инвестиции и нејзиниот европски пат, но и дека ќе го задржи образот.
„Ќе го зачуваме правото на нашата позиција и мислење и да не ги уништуваме традиционалните и историски пријателства, без оглед колку некој тоа ќе го побара заради политички прашања“, рече тој, додавајќи дека е горд што отворено ќе го каже тоа во разговорите со еврокомесарот за соседство и проширување Оливер Вархеји.
Говорејќи за состојбата со медиумите, Вучиќ изјави дека веднаш реагирал на заканите и навредите упатени кон новинарите и дека немало убиства и повреди на новинари во Србија.
