Германскиот министер за надворешни работи Хајко Мас ја повика Турција денеска да „запре циклус на провокации” на исток на Медитеранот, каде Анкара испрати брод да тестира природен гас, ризикувајќи заживување на кризата со Грција.
– Ако навистина би се истражувал турски гас во најконтроверзните области на источен Медитеран, тоа би бил голем чекор назад во напорите за деескалација, изјави германскиот министер, кој денеска е во посета на Грција и Кипар, во разговор за дискусијата за тензиите.
Анкара мора, како што истакна, „да го прекине циклусот на провокации ако владата е заинтересирана за преговори, како што постојано уверуваше”, рече шефот на германската дипломатија, која во моментов е претседател на ЕУ.
Берлин исто така бара од Турција да не го „затвора прозорецот за дијалог што штотуку се отвори со Грција поради еднострани мерки”.
Турција вчера објави дека го враќа бродот Орук Реис на море, кој треба да истражува природен гас во близина на грчки острови, што предизвика сериозни дипломатски и воени тензии во август и септември.
Тие тензии ќе бидат на агендата на eвропски самит в четврток и петок во Брисел.
