Вечерва јавноста виде уште едно фијаско од очајното ВМРО-ДПМНЕ предводено од губитникот Христијан Мицкоски, се огласија од владеачката СДСМ како одговор на она што го испрати опозицската партија од вечерашниот протест.
-Таканаречените протести наменети единствено за спас на двоецот Груевски – Мицкоски на кормилото на ВМРО-ДПМНЕ нема да ги спасат од одговорност криминалците во редовите на опозициската партија.
Времето на селективна правда одамна помина, сега е време на одговорност за сите кои го прекршиле законот, вклучително и на оние од редовите на ВМРО-ДПМНЕ и соработниците на Груевски.
Колкаво е лицемерието на ВМРО-ДПМНЕ кон правдата доволно зборува што денешните протести ги предводеше и се обрати лице осудено за насилство и кое билo дел од судски процеси.
Нема поголемо лицемерие кон граѓаните од тоа за правда да зборува осудено лице. Затоа Мицкоски и ВМРО-ДПМНЕ се таму каде што се и затоа уште долго ќе останат таму.
