Пратеникот од ВМРО-ДПМНЕ, Антонио Милошоски преку Фејсбук ја коментираше, како што вели, хипокризијата на Зоран Заев, Венко Филипче и власта на СДСМ, со која се обидуваат да ја скријат својата неспособност во справувањето со епидемијата на корона вирусот.
-СДСМ пред изборите бараше одговорност и оставка од Наќе Чулев (МВР), за кого тврдеа дека е крив што дневно имаше по 30-40 новозаразени и по 2-3 починати пациенти од Ковид19.
Денес Заев молчи за МВР, и кога во еден ден имаме вознемирувачки 560 новозаразени и за жал трагични бројки од 22 починати наши сограѓани дневно.Сега СДСМ за лошото менаџирање на Ковид19 пандемијата не бара ни одговорност, ни оставки од МВР Оливер Спасовски, ниту од министерот за здравство Филипче. Дури ни кога се организира погреб на Ковид-позитивен коалиционен партнер на Заев, со 300 присутни и со полициска придружба. Но, ситуацијата не е под контрола. Народот е загрижен, здравствениот систем може да колабира. Затоа веќе не е време за хипокризија, време е за оставки!, напиша Милошоски.
