На средбата на која во фокус биле унапредувањето и имплементацијата на економските политики на Владата, премиерот нагласил дека е особено важно спроведувањето на економските реформи со особен акцент на вложувања во капиталните инвестиции, изградба на патишта, инфраструктура, гасификација, болници, училишта кои на долг рок треба да ја зголемат економската активност во земјата.
На онлајн средбата, акцент бил ставен и на сузбивањето на сивата економија, која, како што рекле соговорниците, прави штета не само на регистрираните деловни субјекти, туку и на буџетот на државата.
Од учесниците било заклучено дека она што е од голема важност за економскиот раст и во услови на пандемија е зголемувањето на продуктивноста на компаниите, што треба да резултира со пораст на платите и подобрување на животниот стандард како крајна цел.
