САД планираат да испорачаат ракети пресретнувачи (Standard II Missile 2 (SM-2) Block IIIC) на Канада за околу 500 милиони долари, објавија американскиот Стејт департмент и соодветната владина агенција во Пентагон.
Агенцијата е одговорна за снабдување воена опрема и оружје во странство според меѓувладини договори, промовирање врски меѓу САД и други нации и обезбедување финансиска и техничка помош на надворешните партнери за одбрана на Вашингтон.
Се претпоставува дека ова оружје ќе биде распоредено во канадската морнарица, чија изградба е планирана од Отава, соопшти владата на САД.
Дозвола за спроведување на овој договор меѓу Вашингтон и Отава е издадена од Стејт департментот на САД во согласност со националното законодавство. Администрацијата на САД веќе формално го извести Конгресот за својата одлука. Американскиот законодавен дом сега има рок од 30 дена да го испита новиот договор и евентуално да го блокира.
