Момче од Кавадарци пронајдено со убодни рани, приведени се две лица

По полноќ во Полициска станица Кавадарци било пријавено дека на раскрсница од улиците „Браќа Џунови и „7 Септември“ во Кавадарци, кај фонтаната, имало повредено лице со убодни рани. По извршени проверки е констатирано дека станува збор за К.М.(28) од Кавадарци, кој бил пренесен во Општата болница Кавадарци за укажување на лекарска помош. По наредба на Јавен обвинител, две лица се приведени и задржани во полициска станица за понатамошна постапка. Се работи на расчистување на случајот, соопшти полицијата.