Бразилскиот мото-шампион Матеус Барбоса загина вчера во тешка несреќа на познатата патека Интерлагос во Сао Паоло за време на престижната трка во Бразил Супербајк Бразил.
23-годишниот Барбоса, некогаш носител на шампионската титула во конкуренцијата „Суперспорт“, изгуби контрола над својот мотор за време на дуел и излета од патеката и се удри во заштитната ограда со полна брзина.
Сето тоа се случи во директен пренос што ги шокираше навивачите на брзината. На младиот Бразилец му била дадена брза помош, но немало спас. Организаторите по трагедијата ги откажаа сите други трки. Смртта на шампионот од Анаполис е трета смрт на мотоциклистите на патеката што ја слават трките во Формула 1 од 2019 година.
