Средношколците и студентите во Грција, од денеска ќе следат онлајн настава и предавања, а отворени се само основните училишта и градинките, откако во саботата во земјата беше воведен целосен карантин. Онлајн наставата за средните училишта е задолжителна за сите, додека пак според грчките медиуми, во одредени училишта во земјата, учениците имале проблеми со конекцијата на конкретната платформа.
Со оглед на тоа дека во Грција, за време на карантинот, постои ограничување на движењето на граѓаните, за учениците од основните училишта кои следат редовна настава, како и за наставниците и родителите постои специјална потврда за движење.
Родителите и старателите за да ги однесат или да ги земат децата од училиште потребно е да испратат смс порака.
