Францускиот претседател Емануел Макрон денеска во Париз се сретна со американскиот државен секретар Мајк Помпео зад затворени врати.
Помпео претходно имаше средба со шефот на француската дипломатија Жан-Ив ле Дријан.
Елисејската палата посетата на Помпео ја оцени како „куртоазна”.
По средбата на Макрон со Помпео не е закажана прес-конференција, а дел од француските медиуми тоа го јкако обид да се избегнат прашањата на новинарите за несогласувањата за исходот на американските претседателски избори.
Средбата Макрон – Помпео се одржува само девет дена откако францускиот претседател му ја честиташе победата на Џо Бајден, а американскиот државен секретар не ја признава неговата победа на претседателските избори во САД.
Додека од тимот на Помпео соопштија дека нема прес-конференција поради пандемијата соКовид-19.
Помпео со посетата на Франција ја почнува својата турнеја во Европа и Блиски Исток, но не се познати детали.
Предвидено е тој од Париз да отпатува за Турција, но не е закажана средба со турските владини претставници.
