Францускиот суд донесе одлука дека Клинт Иствуд не може да сведочи во текот на судењето на осомничен вооружен исламист чиј напад врз експресен воз беше спречен од тројца Американци, кои подоцна играа во филм на американскиот актер и режисер.
Судењето на мароканскиот државјанин Ајуб ел Казани, кој отвори оган врз возот Талис кој патуваше низ Северна Европа во август 2015 година, започна во понеделникот во Париз.
Адвокатот на Казани пред почетокот на судењето побара судот да го повика Иствуд како сведок, тврдејќи дека тој може да „ја расветли“ автентичноста на сцените прикажани во неговиот филм.
Филмот на Иствуд се базира на книга напишана од триото со наслов „15:17 до Париз: Вистинската приказна за терорист, воз и тројца американски херои.“
