Во Батајница беше отворена нова, најголема ковид болница, изградена за само четири месеци. Првите пациенти ќе влезат во таа здравствена установа денес по 17 часот.
Болницата има 930 места, 680 за полуинтензивна и 250 за интензивна нега.
Болницата ќе има девет големи одделенија со по 30-40 кревети и ќе прифаќа пациенти со умерена и тешка клиничка слика.
Ќе бидат вработи искусни специјалисти од Клиничкиот центар на Србија, најдобрите медицински сестри, техничари, физиотерапевти, лабораториски техничари, како и млади колеги кои беа примени на конкурсот, а установата ќе ги има сите потребни апарати и најсовремена опрема.
Премиерката Ана Брнабиќ изјави дека ова е историски ден за Србија, во секоја смисла, затоа што се отвора нова болница, изградена за четири месеци.
Министерот за здравство на Србија, Златибор Лончар, изјави дека 1.500 медицински работници ќе бидат вработени во новата ковид болница во Батајница, додека 900 од нив ќе работат во ковид болницата во Крушевац, која е во фаза на изградба.
Лончар спомена дека нема сите 1.500 работници ќе бидат во болницата во Батајница во првите денови, но бројот ќе се зголеми со полнењето на болничките кревети.
